2023 ОНЫ 10 ДУГААР САРЫН 3-Р 10 ХОНОГИЙН ЦАГ АГААРЫН НӨХЦЛИЙН ТОЙМ

БАЯНХОНГОР АЙМГИЙН БЭЛЧЭЭРИЙН  УРГАМЛЫН ТӨЛӨВ БАЙДАЛ / %-иар /

2023 оны 10-р сарын 31-ны 20 цагийн байдлаар

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар 1.6 градус дулаанаас -2.1 градус хүйтэн, говийн нутгаар 3.1-12.0 градус дулаан, харин хээр талын бүсийн нутгаар 3.2-6.6 градус дулаан байлаа.

Агаарын үнэмлэхүй их температур нь: Энэ 10 хоногт нийт нутгаар  +30 градусыг давж  халаагүй.  /10-22 градус хүрч халсан /

 Хөрсний гадарга дээр дунджаар: Хангайн уулархаг нутгаар -1 градус хүйтнээс -4 градус дулаан, говийн нутгаар 4-13 градус дулаан, харин хээр талын бүсийн нутгаар 4-9  градус дулаан байв.

            Хөрсний үнэмлэхүй их температур нь: Хангайн уулархаг нутгаар   хөрсөндөө 22-27 градус хүрсэн, харин +40 градусыг хээр тал болон говийн нутгаар  давж халаагүй байна.  Хамгийн их нь Эхийн голд 34 градус хүрч халсан.

             Тунадас : Энэ арав хоногт хангайн уулархаг нутгаар ихэнх нутгаар 0.0-2.6 мм хур тунадас орсон ба Хээр талын бүсээс Баянхонгор 0.0мм, Хүрээмаралд 1.4  мм, харин говийн нутгаар хур тунадас ороогүй байна.

Хамгийн их тунадас нь: Хүрээмарал сумд  2.6 мм тунадас орсон.     Хамгийн бага тунадас нь: Байдраг, Гурванбулаг, Баянхонгор  сумд  0.0 мм хур тунадас орсон байна.

            Салхи: Энэ арав хоногт ихэнх нутгаар салхины хурд 10м/с –ээс дээш хурдтай байлаа.             Салхины хамгийн их хурд:      Баянцагаан, Шинэжинст сумд 18 м/с, Богд сумд 17 м/с, Баян-Өндөр сумд 16 м/с  хүрч  тус тус шуурсан байна.

Бэлчээрийн усан хангамж сайн. Худгийн ус  болон булаг шанд, гол, горхины усаар ундаалж байна. Энэ 10 хоногт Бэлчээрийн ургамал бүрэн хатаж хагдарсан  байна.

ХАА-н үйлдвэрлэлд хэрхэн нөлөөлсөн тухай тойм

• Цаг агаарын байдал мал аж ахуйн үйлдвэрлэлд сааль сүү боловсруулах, мөн хадлан тэжээл бэлтгэх, газар тариалангийн үйлдвэрлэлд хүнсний ногоо хурааж, даршлах зэрэг ажлууд  явагдаж байна.
• Энэ арав хоногт цаг агаарын байдлаас болж малын бэлчээрлэлт, зам тээвэр саатаж, хүндрэл гараагүй.
• Энэ арав хоногт агаарын температур өмнөх 10 хоногтой харьцуулахад 5-12 градусаар сэрүүссэн байна. Говийн бүсийн нутгаар салхи шуурга ихтэй байлаа.
• ХАА-н үйлдвэрлэлд цаг агаар таатай нөлөө үзүүлэв.
• Энэ 10 хоногт цаг агаарын аюултай үзэгдлийн мэдээ ирээгүй байна.

УЦУОШТӨВ ХААЦУ-ЫН ХЭСЭГ       2023-11-01