2019 ОНЫ 09 ДҮГЭЭР САРЫН 1-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур Хангайн уулархаг нутгаар 11.2–14.5градус дулаан, говийн нутгаар 15.1-24.5градус дулаан, харин хээр талын бүсийн нутгаар 16.0-20.8градусын дулаан байлаа.

  Агаарын үнэмлэхүй их температур нь: +30 градусыг давж Баянлиг,  Баацагаан, Баянговь, Богд,  Жинст сумуудад 1-7 өдөр, Эхийнголд 7 өдөр халсан байна.

    Хөрсний гадарга дээр дунджаар: Хангайн уулархаг нутгаар 17-19градус дулаан, говийн нутгаар 20-28градус дулаан, хээр талын бүсийн нутгаар 20-28 градус дулаан байв.

            Хөрсний үнэмлэхүй их температур нь:  Хөрсөндөө нийт нутгаар +40 градусыг давж халсан. Хамгийн их халсан нь Эхийнголд 58 градус хүрч, халсан хоногийн тоо 9 өдөр байсан.

            Тунадас: Энэ 10 хоногт нийт нутгаар бороо орсон. Хангайн бүсийн нутгаар 0.0-17.1мм, хээр талаар 0.8-5.8мм, говийн бүс нутгаар 0.4-6.2 мм тунадас орсон.  Хамгийн их тунадас Эрдэнэцогт сумд 17.1 мм тунадас орсон. Хамгийн бага тунадас: Баянөндөр сумд 0.1мм тунадас орсон байна.

            Салхи: Энэ арав хоногт бүх нутгаар салхи шуурга багатай байна.

Салхины хамгийн их хурд: Богд сумд 22 м/с хүрч  шуурсан.

Нийт нутгаар бэлчээрийн усан хангамж сайн. Худгийн ус  болон булаг шанд, голын  усаар ундаалж байна.

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйн үйлдвэрлэлд бод болон бог малын сааль сүү боловсруулах, малын хадлан тэжээл бэлдэх, отор нүүдэл хийх зэрэг өвөлжилтийн бэлтгэл ажлууд хийгдэж байна.
• Энэ арав хоногт цаг агаарын байдлаас болж малын бэлчээрлэлт болон зам тээвэр саатаж, хүндрэл гараагүй.
• Энэ арав хоногт агаарын температур өмнөх 10 хоногтой харьцуулахад 2-4 градусаар сэрүүссэн байна.
• ХАА-н үйлдвэрлэлд цаг агаарын таагүй байдлаас болж гарсан хүндрэл байхгүй.

Тойм бичсэн:     ХААЦУ-ын хэсэг.

2019-09-12.