Мэдээлэл > Уур амьсгалын өөрчлөлт, хандлага

БАЯНХОНГОР АЙМГИЙН 2018 ОНЫ УУР АМЬСГАЛЫН ӨӨРЧЛӨЛТ, ХАНДЛАГА

Шинэчлэгдсэн: 2019-11-12 20:03:42

    Агаарын жилийн дундаж температур нь хангайн уулархаг нутгаар 0.3-аас -4.30С, тал хээрийн нутгаар 0.4-өөс 1.90С,  говийн нутгаар 4.3-аас 8.90С-ийн хооронд хэлбэлзэж байгаа нь нийт нутгаар Уур Амьсгалын Дундажаас 0.1-ээс 3.20С дулаарсан. Агаарын дундаж температур өвлийн улиралд УАД-аас -0.1-ээс -3.6 0С  хүйтэрсэн байхад хавар, зуны улиралд 1.6-аас 7.50С дулаарсан байна. Жилийн хамгийн хүйтэн температур 1 сардаа хангайн уулархаг нутгаар -30.2-оос -34.20С, тал хээрийн нутгаар -31.4-өөс -35.00С, говийн нутгаар -35.2-оос -47.30С хүрч хүйтэрсэн байхад хамгийн дулаан температур 7 сардаа хангайн уулархаг нутгаар 25.8-аас 29.50С, тал хээрийн нутгаар 30.4-өөс 31.90С, говийн нутгаар 35.0-аас 40.10С хүрч дулаарсан.

Хур тунадасны хувьд Баянхонгор аймгийн газар бүрт өөр хандлагатай байна. Тухайлбал хангайн уулархаг нутгаар 182.9-аас 297.9 мм, тал хээрийн нутгаар 115.8-аас 205.9мм,  говийн нутгаар 29.7-оос 130.1мм хооронд хэлбэлзэж УАД-аас хангайн уулархаг нутаг, тал хээрийн нутгаар 1.6-аас 83.4 мм нэмэгдсэн бол говийн нутгаар 10.1-ээс 34.3 мм-ээр буурчээ. Нэг өдөр орох хамгийн их хур тунадас 08 дугаар сарын 1-нд Гурванбулаг сумд 57.1мм, Баянбулаг сумд 52.1мм тунадас орсон.

Аймгийн нийт нутгаар хур тунадастай хоногийн тоо 16-85 өдөр байсан бол цасан бүрхүүл 20-103 өдөр тогтсон.

Салхины дундаж хурд хангайн уулархаг нутгаар 2.2-аас 4.2м/с, тал хээрийн нутгаар 2.6-аас 3.9м/с,  говийн нутгаар 2.4-аас 5.5м/с хүрсэн. Салхины хамгийн их хурд нийт нутгаар 4 сард 14-30м/с хүрч салхилж нийт нутгаар жилийн туршид хүчтэй салхитай өдөр 2-40 өдөр тохиосон.

 

Шороон шуурганы давтагдал хангайн уулархаг нутгаар 1-ээс 22 өдөр, тал хээрийн нутгаар 17-оос 29 өдөр, говийн нутгаар 5-аас 42 өдөр ажиглагдаж  цасан болон орон шуурга нийт нутгаар 1-ээс 18 өдөр тохиосон байна.

Уур амьсгалын өөрчлөлт хандлагыг бичсэн:

Цаг уур, уур амьсгалын инженер Л.Алимаа

Холбоотой мэдээний жагсаалт

Гарчиг Үүсгэсэн огноо Шинэчлэгдсэн огноо Хандалт
БАЯНХОНГОР АЙМГИЙН 2018 ОНЫ УУР АМЬСГАЛЫН ӨӨРЧЛӨЛТ, ХАНДЛАГА 2019-02-28 2019-11-12 162
Баянхонгор аймгийн 2017 оны уур амьсгалын өөрчлөлт хандлага 2018-05-03 2019-11-11 256
Баянхонгор аймгийн уур амьсгалын өөрчлөлт, хандлага 2017-09-15 2019-11-12 1072