2019 ОНЫ 1 ДҮГЭЭР САРЫН ЦАГ АГААРЫН УРЬДЧИЛСАН ТӨЛӨВ

УУР АМЬСГАЛЫН ТОЙМ

             Нэгдүгээр сарын агаарын температурын уур амьсгалын  дундаж нь Заг, Байдраг, Галуут, Бөмбөгөрийн нутгаар 26-31 градус, Гурванбулаг, Баянбулаг, Хүрээмарал, Бууцаган, Баян-Овоо, Баянхонгорын нутгаар 18.6-24.0 градус, бусад нутгаар 11.3-18.5 градус хүйтэн байдаг /1 дүгээр зураг/.

Энэ сард уур амьсгалын дунджаар  Эрдэнэцогтын хойд хэсгээр 2.5-3.4 мм, Байдраг, Заг, Гурванбулаг, Хүрээмарал, Бууцагааны нутаг, Баян-Өндөр, Шинэжинстийн өмнөд хэсгээр 0.3-1.4 мм, бусад нутгаар 1.5-2.4 мм хүртэл цас ордог /3 дугаар зураг/.

Уур амьсгалын дундаж байдлаар говийн нутгаар 1-4 см, уулархаг нутгаар  10-15 см, бусад нутгаар 4-9 см зузаан цас тогтдог боловч цас их орсон жилүүдэд цасны дундаж зузаан 40-60 см-т хүрч мал өвөлжилтийн байдал онцгой хүндэрч байжээ.

Салхи 15 м/с-ээс хүчтэй болох тохиолдол жил бүр 1-3 удаа ажиглагддаг.

2019 ОНЫ 01 ДҮГЭЭР САРЫН ЦАГ АГААРЫН УРЬДЧИЛСАН ТӨЛӨВ

            Энэ сарын агаарын температурын дундаж нь Заг, Байдраг, Галуут, Бөмбөгөрийн нутгаар 26-31 градус, Гурванбулаг, Баянбулаг, Хүрээмарал, Бууцаган, Баян-Овоо, Баянхонгорын нутгаар 18.6-24.0 градус, бусад нутгаар 11.3-18.5 градус хүйтэн буюу Гурванбулаг, Байдраг, Баянбулагийн нутгаар уур амьсгалын дунджийн орчим, бусад нутгаар дунджаас дулаан байна /2 дугаар зураг/.           

            Нэгдүгээр арав хоногийн эхээр хүйтний эрч суларч Уулархаг нутгаар шөнөдөө 30-35 градус, өдөртөө 18-23 градус хүйтэн, нутгийн өмнөд хэсгээр шөнөдөө 14-19 градус, өдөртөө 4-9 градус хүйтэн, бусад нутгаар шөнөдөө 21-26 градус, өдөртөө 10-15 градус хүйтэн байна. Нэгдүгээр арав хоногийн дунд болон гуравдугаар арав хоногийн эхний хагаст ихэнх нутгаар хүйтний эрч чангарч Хүрэнбэлчирийн  хөндийгөөр шөнөдөө 36-41 градус, өдөртөө 29-34 градус хүйтэн, говиор шөнөдөө 23-28 градус, өдөртөө 12-17 градус хүйтэн, бусад нутгаар шөнөдөө 28-33 градус, өдөртөө 19-24 градус хүйтэн байна. Бусад хугацаанд Хүрэнбэлчирийн хөндийгөөр шөнөдөө 33-38 градус, өдөртөө 22-27 градус хүйтэн, говиор шөнөдөө 19-24 градус, өдөртөө 8-13 градус хүйтэн, бусад нутгаар шөнөдөө 24-29 градус, өдөртөө 15-20 градус хүйтэн байна.

            Энэ сард орох цасны хэмжээ нь нутгийн хойд хэсгээр уур амьсгалын дунджаас ахиу, Баян-Өндөр, Шинэжинстийн өмнөд хэсгээр дунджаас бага, бусад нутгаар дунджийн орчим байх төлөвтэй /4 дүгээр зураг/.

            Нэг болон гуравдугаар арав хоногийн эхээр нутгийн хойд хэсгээр, хоёр болон гуравдугаар арав хоногийн дунд үеэр зарим газраар цас орж, цасан болон шороон шуурга шуурна. Энэ үеэр салхи зарим газраар 12-14 м/с, зарим үед Алтайн уулархаг нутгаар түр зуур 18-20 м/с хүртэл ширүүсэх төлөвтэй.   

 Сарын мэдээ нарийвчилсан: Цаг уурч  Ц.Баяр-Өлзий