Баянхонгор аймгийн 2017 оны уур амьсгалын өөрчлөлт хандлага

Агаарын жилийн дундаж температур нь хангайн уулархаг нутгаар -0.2-аас -4.4⁰С, тал хээрийн нутгаар 2.0-оос 3.1⁰С,  говийн нутгаар 5.2-оос 10.4⁰С-ийн хооронд хэлбэлзсэн. Хамгийн дулаан температур 7 дугаар сарын 14-нөөс 16-нд тохиож хангайн уулархаг нутгаар 27.3-аас 31.3⁰С, тал хээрийн нутгаар 31.6-аас 33.2⁰С,  говийн нутгаар 37.1-ээс 41.8⁰С-ийн хүрч халсан бол хамгийн хүйтэн температур 01 дүгээр сарын 19, 29-ний өдрүүдэд тохиож хангайн уулархаг нутгаар -33.6-аас -43.5⁰С, тал хээрийн нутгаар -26.2-оос -29.6⁰С,  говийн нутгаар -23.0-оос -29.8⁰С хүртэл хүйтэрсэн байна.

           Хур тунадастай хоногийн тоо нийт нутгаар 23-61 өдөр байсан бол цасан бүрхүүлтэй тогтсон өдрийн тоо 7-146 өдөр ажиглагдаж хангайн уулархаг нутгаар 121.3-аас 208.2 мм, тал хээрийн нутгаар 77.4-өөс 138.0 мм,  13.6-аас 70.4 мм хур тунадас оржээ. Нэг өдөр орох хамгийн их хур тунадас 03 дугаар сарын 22-23-ний өдрүүдэд нийт нутгийг хамарч 3.0-оос 35.8 мм хур тунадас орж 4-өөс 38 см цасан бүрхүүл тогтсон.

Салхины дундаж хурд хангайн уулархаг нутгаар 1.6-аас 3.8м/с, тал хээрийн нутгаар 2.6-аас 3.4м/с,  говийн нутгаар 2.5-аас 5.6м/с хүрсэн. Үнэмлэхүй хамгийн их хурд нийт нутгаар 4 дүгээр сарын 18-19 өдрүүдэд 12-27м/с хүрч салхилж нийт нутгаар жилийн туршид хүчтэй салхитай өдөр 2-24 өдөр тохиосон. Шороон шуурганы давтагдал хангайн уулархаг нутгаар 1-ээс 8 өдөр, тал хээрийн нутгаар 1-ээс 11 өдөр, говийн нутгаар 5-аас 30 өдөр ажиглагдаж  цасан болон орон шуурга нийт нутгаар 1-ээс 4 өдөр тохиосон байна.

                                                                    Цаг уурын инженер Л.Алимаа