2020 ОНЫ 08 ДУГААР САРЫН 2-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

ЗУНШЛАГЫН МЭДЭЭ

2020 оны 08-р сарын 20-ны байдлаар

Өнгөрсөн 10 хоногийн цаг агаарын байдал

Агаарын температур: Өнгөрсөн 10 хоногт агаарын дундаж температур Хангайн уулархаг нутгаар 11.4-15.2 градус дулаан,говийн нутгаар 15.8-26.2 градус дулаан, харин хээр талын бүсийн нутгаар 16.6-22.7 градусын дулаан байлаа.                             Агаарын үнэмлэхүй их температур нь: Говийн ихэнх, хээр талын зарим нутгаар +30 градусыг давж агаартаа халсан байна. Хамгийн их дулаан Эхийн голд 35 градус хүрсэн.

Хөрсний гадарга дээр дунджаар: Хангайн уулархаг нутгаар 19-21 градус дулаан, говийн нутгаар 24-35 градус дулаан, хээр талын бүсийн нутгаар 24-32 градус дулаан байв.

Хөрсний үнэмлэхүй их температур нь:   +40 градусыг нийт нутгаар давж халсан байна. Хамгийн их температур Эхийн гол 59 градус хүрч хөрсөндөө халсан байна.

Тунадас: Хангайн уулархаг нутгаар 8.5-38.4мм, говийн нутгаар 0.08-1.3 мм, хээр талын нутгаар 1.7-11.3 мм тунадас орсон. Хамгийн их тунадас Байдраг 38.4 мм Эрдэнэцогт 21,4 орсон, Бууцагаан, Жинст, Эхийн гол огт ороогүй  байна. Салхи: Энэ арав хоногт ихэнхи нутгаар салхи шуурга ихтэй  10м/с давж шуурсан. Салхины хамгийн их хурд:  Баянцагаан 19,м/с, 10м/с –ээс салхитай өдрийн тоо 10 хоног  хүрч  шуурсан. Нийт нутгаар бэлчээрийн усан хангамж дунд зэрэг. Худгийн ус  болон булаг шанд голын усаар ундаалж байна.

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйн үйлдвэрлэлд отор нүүдэл хийх, сүү сааль бэлтгэх ажил явагдаж байна.
• Энэ арав хоногт цаг агаарын байдлаас болж малын бэлчээрлэлт болон зам тээвэр саатаж, хүндрэл гараагүй.
• Агаарын температурыг олон жилийн дундажтай харьцуулахад олон жилийн дунджийн орчим байлаа.
• Хур тунадасны хувьд олон жилийн дундаас бага байна.
• ХАА-н үйлдвэрлэлд цаг агаарын хүндрэл гараагүй ч бэлчээр хүрэлцээгүй зуншлага тааруу гандуу байгаагаас мөн худаг ус цөөтэйгээс малчид нэг доор олноор буух,малаа холоос тууж услах зэрэг бэрхшээл гарч байна.
• Ерөнхийдөө зуншлага маш тааруу ургамлын гарц удаашралттай, үзүүрээсээ гэмтсэн гандуу байдалтай говийн нутгаар зарим ургамал хэт хаталт болсон Хориултад ургамал огт цухуйгаагүй хэвээр байна.
• Бог мал бага зэрэг тарга авч байгаа бод мал бүрэн ногоонд цадаагүй
• Энэ мэдээнээс харахад салхи шуурга ихтэй чийг дутмаг хөрсөн дээр нилээд халалттай хур тунадас бага зэрэг орсон ч хэт хуурайшилт ихтэй газрын хөрс хатуу байгаагаас шингэц тааруу ургамлын гарцанд нөлөөлж чадахгүй байна.

УЦУОШТӨВИЙН ХААЦУ-ЫН ХЭСЭГ

2020-08-21