2021 ОНЫ 6 ДУГААР САРЫН 2-Р 10 ХОНОГИЙН ЦАГ АГААРЫН НӨХЦӨЛИЙН ТОЙМ

Баянхонгор аймгийн зуншлагын мэдээ  / баллаар /

2021 оны 06 дугаар сарын 20-ны байдлаар

Өнгөрсөн 10 хоногийн цаг агаарын байдал

          Агаарын температур: Өнгөрсөн 10 хоногт агаарын дундаж температур Хангайн уулархаг нутгаар 11.8-14.4 дулаан, говийн нутгаар 14.4-25.0 дулаан, харин хээр талын бүсийн нутгаар  15.5-21.0  градусын дулаан байлаа.

          Агаарын үнэмлэхүй их температур нь: Эхийн голд 6, Богд 4, Баацагаан 3, Баянговь1, Богдод 4 өдөр  +30 градусыг давж  халсан байна.

Хөрсний гадарга дээр дунджаар: Хангайн уулархаг нутгаар 18-21 градус дулаан, говийн нутгаар 22-32 градус дулаан, хээр талын бүсийн нутгаар 21-30 градус дулаан байв.

            Хөрсний үнэмлэхүй их температур нь:  бүх сумдад хөрсөндөө +40 градусыг давж халсан байна. / 50-63 градус хүрсэн /

            Тунадас: Энэ арав хоногт хангайн уулархаг нутгаар тунадас  0.2-39.2 мм, говийн нутгаар 0.8- 10.9 мм, хээр талын бүсийн нутгаар 0.4-22.1 мм  хур тунадас орсон байна. Их тунадас: Шаргалжуутад 39.2мм тунадас орсон.

Бага тунадас:Гурванбулагт 0.2мм

            Салхи: Энэ арав хоногт бүх нутгаар салхи шуурга ихтэй бүх сумдад 10 м/с давж шуурсан байна.

Салхины хамгийн их хурд: Баянхонгор  20м/с, Богд 23м/с,  Баянцагаан 20 м/с хүртэл салхи  шуургатай байсан байна.

Нийт нутгаар бэлчээрийн усан хангамж дунд зэрэг худгийн ус  болон булаг шанд голын  усаар ундаалж байна.  

ХАА-н үйлдвэрлэлд хэрхэн нөлөөлсөн тухай тойм

• Ямаа самнах, төл хөнгөлөх ажил явагдаж байна.  

• Хувийн аж ахуйн таримал ургамлын ажил хийгдэж байна.
• Энэ арав хоногт цаг агаарын байдлаас болж малын бэлчээрлэлт болон зам тээвэр малын бэлчээрлэлт саатаагүй ихэнхи сумдаар ургамал цухуйсан хэдий ч хур тунадас бага салхи шуурга, эрс хүйтрэлээс болж ургамал гэмтэж хорчийж хатсан байна.
• Агаарын температурыг олон жилийн дундажтай харьцуулахад олон жилийн дунджийн орчим байлаа.
• Хур тунадасны хувьд олон жилийн дунджаас бага орсон.
• ХАА-н үйлдвэрлэлд цаг агаарын таагүй байдлаас болж гарсан хүндрэл байхгүй.
• , Богд ургамал огт цухуйгаагүй.

УЦУОШТӨВИЙН ХААЦУ-ЫН ХЭСЭГ

2021-06-21