2020 ОНЫ 05 ДУГААР САРЫН 1-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

БАЯНХОНГОР АЙМГИЙН БЭЛЧЭЭРИЙН УРГАМЛЫН ТӨЛӨВ БАЙДАЛ

2020 оны 05-р сарын 10-ны байдлаар /баллаар /

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур Хангайн уулархаг нутгаар 5.6-9.5 градус дулаан, говийн нутгаар 8.5-18.6 градус дулаан, харин хээр талын бүсийн нутгаар 9.2-15.3 градусын дулаан байлаа.

  Агаарын үнэмлэхүй их температур нь: Говийн сумдад +30 градусыг 1-4 өдөр давж  халсан байна.

Хөрсний гадарга дээр дунджаар: Хангайн уулархаг нутгаар 13-16 градус дулаан, говийн нутгаар 15-25 градус дулаан, хээр талын бүсийн нутгаар 17-23 градус дулаан байв.

            Хөрсний үнэмлэхүй их температур нь:  Хөрсөндөө нийт нутгаар +40 градусыг давж халсан. Хамгийн их халсан нь Эхийнголд 54 градус хүрсэн ба, халсан хоногийн тоо 9 өдөр байсан.

            Тунадас: Энэ 10 хоногт нийт нутгаар хур тунадас орсон. Хангайн бүсийн нутгаар 2.7-7.8 мм, хээр талаар 0.0-4.3 мм, говийн бүс нутгаар 0.0-2.1 мм тунадас орсон.  Хамгийн их тунадас Эрдэнэцогт сумд 7,8 мм тунадас орсон. Хамгийн бага тунадас: Говийн ихэнх сумдад  0.0 мм тунадас орсон байна.Харин Баянбулаг, Байдраг, Заг, Гурванбулаг, Бөмбөгөр, Бууцагаан, Хүрээмарал, Эхийн гол, Баацагаан, Баянлиг сумдад хур тунадас ороогүй байна.

            Салхи: Энэ арав хоногт бүх нутгаар салхи шуурга ихтэй байсан байна.

Салхины хамгийн их хурд: Богд, Баянцагаан сумдад  21м/с хүрч  шуурсан.

Нийт нутгаар бэлчээрийн усан хангамж сайн. Худгийн ус  болон булаг шанд голын  усаар ундаалж байна.

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйн үйлдвэрлэлд бод мал төллөж байна. Мөн ямаа самналтын ажил явагдаж байна.
• Энэ арав хоногт цаг агаарын байдлаас болж малын бэлчээрлэлт болон зам тээвэр саатаж, хүндрэл гараагүй.
• Агаарын температурыг олон жилийн дундажтай харьцуулахад олон жилийн дунджаас хүйтэн байлаа.
• Хур тунадасны хувьд олон жилийн дунджаас бага байна.
• ХАА-н үйлдвэрлэлд цаг агаарын таагүй байдлаас болж гарсан хүндрэл байхгүй.

УЦУОШТөв ХААЦУ-ын хэсэг

2020-05-11