2020 ОНЫ 02 ДУГААР САРЫН 2-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар 12.4-20.4 градус хүйтэн, говийн нутгаар 5.5-11.4 градус хүйтэн, харин хээр талын бүсийн нутгаар 10,3-12.0 градусын хүйтэн  байлаа.

         Агаарын бага температур нь:  Баянбулаг 1, Байдраг 2,  Гурванбулаг 6, Галуут 1,  өдөрүүдэд  тус тус  -30 градусыг давж  хүйтэрсэн байна.    

         Агаарын үнэмлэхүй бага температур нь:  Гурванбулаг -39 градус хүрсэн байна.

 Хөрсний температур: Хөрсний гадарга дээр өнгөрсөн 10 хоногт дунджаар: Хангайн уулархаг нутгаар 11-18 градус хүйтэн, говийн нутгаар 4-12 градус хүйтэн, хээр талын бүсийн нутгаар 9-12 градус хүйтэн байв.

            Хөрсний үнэмлэхүй бага температур нь: Хөрсөндөө - 40 градусаас давж хүйтэрсэн  өдөр байхгүй Байдраг хамгийн хүйтэн нь -35 градусс  бусад сумдууд  21-34 градус хүрч хүйтэрсэн байна. 

             Тунадас: Энэ арав хоногт ихэнхи нутгаар бага зэрэг 0,0-2,1 мм хур тунадас орсон.  Бууцагаан, Баянговь, Эхийн голийн нутгаар хур тунадас ороогүй.

            Салхи: Энэ арав хоногт  нийт нутгаар  салхи шуурга ихтэй бүх сумдаар 10 м/с давж салхилсан байна. Говийн нутгаар арай их салхи, шуургатай байсан байна.

      Салхины хамгийн их хурд:   Хамгийн их салхи Баянцагаанд 21 м/с хүрсэн  ба 10 м/с-ээс дээш салхитай  өдрийн тоо   4 өдөр  байлаа.Мөн Байдраг 20 м/с хүрсэн. 

Бэлчээрийн усан хангамж дунд. Худгийн ус  болон булаг шанд цасны   усаар ундаалж байна. 

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйд малчид малдаа нэмэгдэл тэжээл өгөх, мараа шүү бэлтгэх, бог мал төллөх ажлууд хийгдэж байна.   
•  Цаг агаарын байдлаас болж малын бэлчээрлэлт, зам тээвэр саатаж, хүндрэл гараагүй.
• Агаарын температур өмнөх 10 хоногтой харьцуулахад олон жилийн дунджийн орчим байна.
• ХАА-н үйлдвэрлэлд цаг агаарын тааламжгүй байдлаас болж гарсан хүндрэл байхгүй.   
•  Хүчтэй салхи, цасан шуурга аюулын хэмжээнд хүрсэнч  хөдөө аж ахуйд хохирол гараагүй байиа.