2020 ОНЫ 01 ДҮГЭЭР САРЫН 2-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

                                    Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар 20.0-30.6 градус хүйтэн, говийн нутгаар 12.3-18.5  градус хүйтэн, харин хээр талын бүсийн нутгаар16.6-19.1  градусын хүйтэн  байлаа.

         Агаарын үнэмлэхүй бага температур нь:   Хамгийн хүйтэн нь Гурванбулаг сумд -40 градус хүрч хүйтэрсэн. Хүйтэрсэн хоногийн тоо 10 өдөр байна.

   Хөрсний гадарга дээр дунджаар: Хангайн уулархаг нутгаар 21-30 градус хүйтэн, говийн нутгаар 12-19 градус хүйтэн, хээр талын бүсийн нутгаар 17-20 градус хүйтэн байв.

            Хөрсний үнэмлэхүй бага температур нь: Хөрсөндөө Байдраг, Гурванбулаг сумдууд -40 градусаас давж хүйтэрсэн ба бусад сумдууд  26-38 градус хүйтэрсэн байна. 

             Тунадас: Энэ арав хоногт Хангайн уулархаг нутгаар 0,0-0,8 мм, хээр талаар 0.0-1.1 мм, говийн нутгаар 0.0-1.9 мм тунадас орсон байна. Энэ 10 хоногт говиороо арай илүү цастай, тунадасны хамгийн их хэмжээ Баянговьд 1.9 мм орсон байна.

            Салхи: Энэ арав хоногт  Хангай болон  Хээр талын нутгаар  салхи шуурга харьцангуй багатай. Говийн нутгаар бага зэрэг явган шуургатай. Бөмбөгөр, Богд, Баянцагаан, Баянөндөр, Шинэ жинст, Эхийн гол  сумдууд 10м/с–ээс дээш  салхитай  шуургатай  байв. Бяанөндөр 10м/с –ээс дээш хоногийн тоо 4 буюу хамгийн олон байсан байна.      

           Салхины хамгийн их хурд:   Баянцагаан, Шинэжинст сумдад 17-18м/с  хүрч шуурсан байна.

Бэлчээрийн усан хангамж дунд. Худгийн ус  болон булаг шанд цасны   усаар ундаалж байна. 

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйд малчид отор нүүдэл хийх ажлууд хийгдэж байна.   
• Энэ арав хоногт цаг агаарын байдлаас болж малын бэлчээрлэлт, зам тээвэр саатаж, хүндрэл гараагүй.
• Энэ арав хоногт агаарын температур өмнөх 10 хоногийн дундажийн орчим байлаа.
• ХАА-н үйлдвэрлэлд цаг агаарын тааламжгүй байдлаас болж гарсан хүндрэл байхгүй.   
• Энэ 10 хоногт аюултай үзэгдлийн мэдээ ирээгүй байна.

2020-01-21