2019 ОНЫ 11 ДҮГЭЭР САРЫН 2-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар 13.0-17.2градус хүйтэн, говийн нутгаар 2.2-9.9градус хүйтэн, харин хээр талын бүсийн нутгаар 7.1-12.0градус хүйтэн байлаа.

  Агаарын үнэмлэхүй бага температур нь:  -30 градусыг давж Байдраг, Галуут, Гурванбулаг сумуудад 1-2 өдөр хүйтэрсэн байна.  Хамгийн хүйтэн нь Гурванбулаг суманд  -32градус хүрч хүйтэрсэн.

   Хөрсний гадарга дээр дунджаар: Хангайн уулархаг нутгаар 13-17градус хүйтэн, говийн нутгаар 1-9градус хүйтэн, харин хээр талын бүсийн нутгаар 6-11градус хүйтэн байв.

   Хөрсний үнэмлэхүй бага температур нь: Бүх сумдаар хөрсөндөө -40 градусыг давж хүйтрээгүй байна. 

             Тунадас : Энэ арав хоногт хангайн уулархаг нутгаар 0.0-0.4мм, говийн зарим сумдын нутгаар буюу Баянөндөр, Баянлиг, Шинэжинст сумуудад 0.4-0.6мм тунадас орсон харин хээр талын бүсийн нутгаар  тунадас ороогүй.

Хамгийн их тунадас нь: Шинэжинст сумд 0.6мм тунадас орсон.  Хангайн сумд болох Байдраг, Баянбулаг,  Гурванбулаг, Шаргалжуут сумдаар 0-1см зузаан, Галуут сумад 4см зузаан цасан бүрхүүлтэй. Хээр талын болон говийн нутгаар цасгүй байна.

            Салхи: Энэ арав хоногт нийт нутгаар салхины хурд 10м/с –ээс дээш хурдтай байлаа. Салхины хамгийн их хурд: Баацагаан, Баянговь сумуудад 28м/с хүрч шуурсан байна.

Бэлчээрийн усан хангамж сайн. Худгийн ус  болон булаг шанд, цасны усаар ундаалж байна.

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйн үйлдвэрлэлд малчид  отор нүүдэл хийх  ажил явагдаж байна. Үүнд цаг агаарын байдлаас болж гарсан хүндрэл байхгүй.
• Энэ арав хоногт цаг агаарын байдлаас болж малын бэлчээрлэлт, зам тээвэр саатаж, хүндрэл гараагүй.
• Энэ арав хоногт агаарын температур өмнөх 10 хоногтой харьцуулахад 7-10 градусаар сэрүүссэн байна.
• ХАА-н үйлдвэрлэлд цаг агаар таатай нөлөө үзүүлэв.
• Энэ 10 хоногт цаг агаарын аюултай үзэгдлийн мэдээ ирээгүй байна.
• Энэ10 хоногт ямар нэгэн төрлийн малын хорогдол гарсан тухай мэдээ ирээгүй

Тойм бичсэн: УЦУОШТ-ЫН ХАА-н цаг уурын хэсэг