2019 ОНЫ 10 ДУГААР САРЫН 2-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар 1.2-4.2 градус хүйтэн, говийн нутгаар 1.0-9.2градус дулаан, харин хээр талын бүсийн нутгаар 3.8 градус дулаанаас 3.0 градус хүйтэн  байлаа.

  Агаарын үнэмлэхүй бага температур нь:  -30 градусыг давж хүйтэрсэн газар байхгүй байна. Хамгийн хүйтэн нь Гурванбулаг  сумд 18 градус хүрч хүйтэрсэн.

   Хөрсний гадарга дээр дунджаар: Хангайн уулархаг нутгаар 1градус дулаанаас 2 градус хүйтэн, говийн нутгаар 4-12градус дулаан, хээр талын бүсийн нутгаар 1-8 градус дулаан байв.

            Хөрсний үнэмлэхүй бага температур нь: Хөрсөндөө Гурванбулаг сумд -20 градус хүрч хүйтэрсэн  байна. 

             Тунадас: Энэ арав хоногт Хангайн нийт сумдаар 0.5-2.6мм хур тунадас орсон. Хээр талын болон говийн бүс нутгийн зарим газраар 0.0мм тунадас орсон. Байдрагт 0см, Галуут сумд 3см цастай байна.

            Салхи: Энэ арав хоногт нийт нутгаар  салхи шуурга ихтэй байсан.        

           Салхины хамгийн их хурд:   Богд 28м/с, Баянговь сумд 26м/с, Баянцагаан 21м/с  хүрч шуурсан байна.

Бэлчээрийн усан хангамж дунд. Худгийн ус  болон булаг шандны   усаар ундаалж байна. 

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйд малчид отор нүүдэл хийх, өвөлжөө бууцаа засах, сэлбэх зэрэг өвөлжилтийн бэлтгэл ажлууд хийгдэж байна.   
• Энэ арав хоногт цаг агаарын байдлаас болж малын бэлчээрлэлт, зам тээвэр саатаж, хүндрэл гараагүй.
• Энэ арав хоногт агаарын температур өмнөх 10 хоногоос 3-5 градусаар сэрүүссэн.
• ХАА-н үйлдвэрлэлд цаг агаарын тааламжгүй байдлаас болж гарсан хүндрэл байхгүй.
• Энэ 10 хоногт аюултай үзэгдлийн мэдээ ирээгүй байна.      

Тойм бичсэн: УЦУОШТ-ЫН ХАА-н цаг уурын хэсэг

2019.10.21