2019 ОНЫ 07 ДУГААР САРЫН 3-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур Хангайн уулархаг нутгаар 12.3-15.2 градус дулаан, говийн нутгаар 15.1-28.7 градус дулаан, харин хээр талын бүсийн нутгаар 16.5-22.2 градусын дулаан байлаа.

  Агаарын үнэмлэхүй их температур нь:  +30 градусыг давж Баянлиг, Баянговь, Баацагаан, Богд, Жинст сумуудад 1-4 өдөр, Эхийнголд 8 өдөр халсан байна.

    Хөрсний гадарга дээр дунджаар: Хангайн уулархаг нутгаар 18-22градус дулаан, говийн нутгаар 23-36градус дулаан, хээр талын бүсийн нутгаар 22-30 градус дулаан байв.

            Хөрсний үнэмлэхүй их температур нь:  Хөрсөндөө нийт нутгаар +40 градусыг давж халсан. Хамгийн их халсан нь Эхийнголд 64 градус хүрч, халсан хоногийн тоо 10 өдөр байсан.

            Тунадас: Энэ 10 хоногт нийт нутгаар бороо орсон. Хангайн бүсийн нутгаар 2.6-17.8мм, хээр талаар 0.0-23.2мм, говийн бүс нутгаар 0.3-10.8 мм тунадас орсон.  Хамгийн их тунадас Бууцагаан сумд 23.2 мм тунадас орсон. Хамгийн бага тунадас:  Хүрээмарал 0.0мм, Шинэжинст сумд 0.3 мм тунадас орсон байна.

            Салхи: Энэ арав хоногт бүх нутгаар салхи шуургатай  байсан байна.

Салхины хамгийн их хурд: Богд сумд 21 м/с хүрч  шуурсан.

Нийт нутгаар бэлчээрийн усан хангамж сайн. Худгийн ус  болон булаг шанд голын  усаар ундаалж байна.

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйн үйлдвэрлэлд бод болон бог малын сааль сүү бэлтгэх ажил хийгдэж байна.
• Энэ арав хоногт цаг агаарын байдлаас болж малын бэлчээрлэлт болон зам тээвэр саатаж, хүндрэл гараагүй.
• Энэ арав хоногт агаарын температур өмнөх 10 хоногтой харьцуулахад 2-4 градусаар сэрүүссэн байна.
• ХАА-н үйлдвэрлэлд цаг агаарын таагүй байдлаас болж гарсан хүндрэл байхгүй.

Тойм бичсэн:     ХААЦУ-ын хэсэг.

2019-08-01.