2019 ОНЫ 03 ДУГААР САРЫН 2-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар 4.8-11.2 градус хүйтэн, говийн нутгаар 5.3 градус дулаанаас 4.2 градус хүйтэн, харин хээр талын бүсийн нутгаар 3.2-5.1 градусын хүйтэн  байлаа.

  Агаарын үнэмлэхүй бага температур нь: Нийт сумдад -30 градусыг давж хүйтэрээгүй байна.

   Хөрсний гадарга дээр дунджаар: Хангайн уулархаг нутгаар 2-7 градус хүйтэн, говийн нутгаар 9 градус дулаанаас -4 градус хүйтэн, хээр талын бүсийн нутгаар 0-6 градус хүйтэн байв.

            Хөрсний үнэмлэхүй бага температур нь: Хөрсөндөө -40 градусыг давж хүйтрээгүй  байна. 

             Тунадас: Энэ арав хоногт говийн болон хээр талын бүсийн зарим сумдаар бага зэргийн цас орсон. Цасны зузаан 0-3см зузаан байна.

            Салхи: Энэ арав хоногт Хангай болон хээр талын нутгаар  салхи шуурга ихтэй 10-27 м/с–ээс  их салхи шуургатай  байв.            

           Салхины хамгийн их хурд:   Шинэжинст сумд 27 м/с, Баацагаан, Байдраг, сумуудад 20 м/с  хүрч шуурсан байна.

Бэлчээрийн усан хангамж дунд. Худгийн ус  болон булаг шанд цасны   усаар ундаалж байна. 

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйд малчид отор нүүдэл хийх, хаваржаа бууцандаа буух, малд нэмэгдэл тэжээл өгөх ажлууд хийгдэж байна. Мөн бог мал төллөж байна.
• Энэ арав хоногт цаг агаарын байдлаас болж малын бэлчээрлэлт, зам тээвэр саатаж, хүндрэл гараагүй.
• Энэ арав хоногт агаарын температур өмнөх 10 хоногоос 7-9 градусаар дулаарсан.
• ХАА-н үйлдвэрлэлд цаг агаарын тааламжгүй байдлаас болж гарсан хүндрэл байхгүй.
• Энэ 10 хоногт аюултай үзэгдлийн мэдээ ирээгүй байна.

Цаг уурын өртөө, харуулын шинжилгээний талбайд

2019 оны 03-р сарын 20-ны  байдлаар хэмжигдсэн

цасан бүрхүүлийн зузаан / см/

ХААЦУ-ЫН ХЭСЭГ

2019-03-21