2018 ОНЫ 10 ДУГААР САРЫН 2-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар -2.7градус хүйтэнээс 0.4градус дулаан, говийн нутгаар 0.8-9.9градус дулаан, харин хээр талын бүсийн нутгаар 3.3-6.8градус дулаан байлаа.

Агаарын үнэмлэхүй их температур нь:  Хамгийн их температур нь Эхийнголд  21градус хүрч халсан байна. Нийт сумдаар +30 градусыг давж халаагүй.

Хөрсний гадарга дээр дунджаар: Хангайн уулархаг нутгаар -0градус хүйтэнээс 4градус дулаан, говийн нутгаар 4-12градус дулаан, харин хээр талын бүсийн нутгаар 5-9градус дулаан байв.

            Хөрсний үнэмлэхүй их температур нь:   +40 градусыг давж халсан газар байхгүй.

             Тунадас : Энэ арав хоногт хангайн уулархаг нутгаар 0.0-0.6мм тунадас орж харин говийн нутгаар болон хээр талын бүсийн нутгаар хур тунадас ороогүй байна.

Хамгийн их тунадас нь: Эрдэнэцогт сумд 0.6мм  тунадас орсон.        Хамгийн бага тунадас нь: Байдраг сумд 0.0мм тунадас орсон байна. Бусад нийт нутгуудаар тунадас ороогүй.

            Салхи: Энэ арав хоногт нийт нутгаар салхины хурд 10м/с –ээс дээш хурдтай байлаа. Салхины хамгийн их хурд: Богд сумд 22м/с, Шинэжинст сумд 18м/с хүрч шуурсан байна.

Бэлчээрийн усан хангамж сайн. Худгийн ус  болон булаг шанд, гол, горхины усаар ундаалж байна.

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйн үйлдвэрлэлд сааль сүү боловсруулах,  хадлан тэжээл бэлдэх, малчид отор нүүдэл хийх зэрэг ажил явагдаж байна. Үүнд цаг агаарын байдлаас болж гарсан хүндрэл байхгүй.
• Энэ арав хоногт цаг агаарын байдлаас болж малын бэлчээрлэлт, зам тээвэр саатаж, хүндрэл гараагүй.
• Энэ арав хоногт агаарын температур өмнөх 10 хоногтой харьцуулахад 1-3градусаар сэрүүссэн байна.
• ХАА-н үйлдвэрлэлд цаг агаар таатай нөлөө үзүүлэв.
• Энэ 10 хоногт цаг агаарын аюултай үзэгдлийн мэдээ ирээгүй байна.

УЦУОШ-ны ТӨВИЙН ХААЦУ-ЫН ХЭСЭГ

2018-10-21