2018 оны 02-р сарын 20-ны байдлаарх өнгөрсөн 10 хоногийн цаг агаарын нөхцлийн тойм мэдээ

ЦАСНЫ МЭДЭЭ / СМ-ЭЭР/

2018 оны 02-р сарын 20-ны байдлаар

Өнгөрсөн 10 хоногийн цаг агаарын байдал

Агаарын температур: Өнгөрсөн 10 хоногт агаарын дундаж температур хангайн уулархаг нутгаар 13.4-23.6градус хүйтэн, говийн нутгаар 6.8-13.7градус хүйтэн, харин хээр талын бүсийн нутгаар 12.6-13.8градусын хүйтэн байлаа.

Агаарын үнэмлэхүй бага температур нь: -30 градусыг давж Байдраг, Гурванбулаг сумдаар 9өдөр, Баянбулаг, Галуут, Шаргалжуут сумдаар 1өдөр тус тус хүйтэрсэн. Хамгийн хүйтэн нь Гурванбулаг суманд -38градус хүрч хүйтэрсэн.

Хөрсний гадарга дээр дунджаар: Хангайн уулархаг нутгаар 13-25градус хүйтэн, говийн нутгаар 5-14градус хүйтэн, хээр талын бүсийн нутгаар 12-15градус хүйтэн байв.

            Хөрсний үнэмлэхүй бага температур нь: Хөрсөндөө -40 градусыгдавж  Гурванбулаг  сумд 1 өдөр хүйтэрсэн байна. 

            Тунадас: Энэ 10 хоногт нийт нутгаар тунадас ороогүй. Цасны зузаан нийт сумуудад 0-4 см өндөртэй байна.

            Салхи: Энэ арав хоногт Баянбулаг, Баянөндөр, Бууцагаан, Баянлиг, Галуут, Хүрээмарал,Шаргалжуут сумдаар 6-8м/с, бусад нийт нутгаар 10-16м/с салхитай байв.

Салхины хамгийн их хурд: Богд, Шинэжинст сумуудад 16 м/с хүрч шуурсан.

 Бэлчээрийн усан хангамж сайн. Худгийн ус  болон булаг шанд,цасны усаар ундаалж байна. Нийт нутгаар цасан бүрхүүлтэй байна.

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйд малчид отор нүүдэл хийж байна.
• Энэ арав хоногт цаг агаарын байдлаас болж малын бэлчээрлэлт, зам тээвэр саатаж, хүндрэл гараагүй.
• Энэ арав хоногт агаарын температур өмнөх 10 хоногтой харьцуулахад 5-7 градусаар дулаарсан байна.
• ХАА-н үйлдвэрлэлд цаг агаар таатай нөлөө үзүүлэв.
• Энэ 10 хоногт цаг агаарын аюултай үзэгдлийн мэдээ ирээгүй байна.
• Энэ 10 хоногт нийт сумдаас малын хорогдлын мэдээ ирээгүй.   

БАЯНХОНГОР АЙМАГ

ХААЦУ-ЫН ХЭСЭГ