2018 ОНЫ 01 ДҮГЭЭР САРЫН 2-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар 18.4-30.8 градус хүйтэн, говийн нутгаар 15.0-17.8 градус хүйтэн, харин хээр талын бүсийн нутгаар  16.9-18.2 градусын хүйтэн  байлаа.

  Агаарын үнэмлэхүй бага температур нь:  Байдраг, Баянбулаг, Галуут, Гурванбулаг, Шаргалжуут сумдад  -30 градусыг давж 3-10 өдөр хүйтэрсэн.  Хамгийн хүйтэн нь Байдраг, Гурванбулаг сумдад -41градус хүрч хүйтэрсэн.

   Хөрсний гадарга дээр дунджаар: Хангайн уулархаг нутгаар 20-32 градус хүйтэн, говийн нутгаар 15-20 градус хүйтэн, хээр талын бүсийн нутгаар 17-19 градус хүйтэн байв.

            Хөрсний үнэмлэхүй бага температур нь: Хөрсөндөө -40 градусыг давж  Баянбулаг 1 өдөр, Байдраг 3 өдөр, Гурванбулаг  сумд 4 өдөр тус тус хүйтэрсэн байна. 

             Тунадас: Энэ 10 хоногт говийн болон хээр талын сумд болох Баянцагаан, Баацагаан,  Баянөндөр, Бөмбөгөр, Баянхонгор, Эхийнгол сумдаас бусад нийт нутгаар цас орсон. Цасны зузаан  Байдраг, Галуут сумдад 8см, бусад сумуудад 1-6см зузаан цастай байна.

            Салхи: Энэ арав хоногт ихэнх нутгаар 10м/с–ээс дээш салхи шуургатай байв.

           Салхины хамгийн их хурд:  Богд сумд 21м/с хүрч шуурсан.

Бэлчээрийн усан хангамж сайн. Булаг шанд, цасны   усаар ундаалж байна.  Нийт нутгаар цасан бүрхүүлтэй байна.

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйд малчид  отор нүүдэл хийж байна.
• Энэ арав хоногт цаг агаарын байдлаас болж малын бэлчээрлэлт, зам тээвэр саатаж, хүндрэл гараагүй.
• Энэ арав хоногт агаарын температур өмнөх 10 хоногтой харьцуулахад 2-3 градусаар хүйтэрсэн байна.
• ХАА-н үйлдвэрлэлд цаг агаар таатай нөлөө үзүүлэв.
• Энэ 10 хоногт цаг агаарын аюултай үзэгдлийн мэдээ ирээгүй байна.
• Энэ 10 хоногт малын хорогдлын тухай мэдээ ирээгүй.

Тойм бичсэн: ХАА-н цаг уурын хэсэг

2018-01-21