2017 ОНЫ 11 ДҮГЭЭР САРЫН 3-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар 12.8-17.6 градус хүйтэн, говийн нутгаар 3.0-10.1 градус хүйтэн, харин хээр талын бүсийн нутгаар  8.4-11.9 градусын хүйтэн  байлаа.

  Агаарын үнэмлэхүй бага температур нь:  Байдраг сумд 3 өдөр, Гурванбулаг сумд 1 өдөр  -30 градусыг давж  хүйтэрсэн.  Хамгийн хүйтэн нь Байдраг суманд -33градус хүрч хүйтэрсэн.

   Хөрсний гадарга дээр дунджаар: Хангайн уулархаг нутгаар 14-21 градус хүйтэн, говийн нутгаар 3-11 градус хүйтэн, хээр талын бүсийн нутгаар 8-12 градус хүйтэн байв.

            Хөрсний үнэмлэхүй бага температур нь: Бүх сумдаар хөрсөндөө -40 градусыг давж хүйтрээгүй байна. 

             Тунадас: Баянбулаг, Богд сумуудад 0.0мм тунадас орсон. Бусад бүх сумдаар цас ороогүй.  Цасны зузаан Галуут, Байдраг сумд 2см, бусад сумуудад  цасгүй байна.

            Салхи: Энэ арав хоногт нийт нутгаар 10м/с–ээс дээш салхи шуургатай  байв.          

           Салхины хамгийн их хурд: Баянговьд 28 м/с, Богд 24м/с, Баянцагаан, Баянбулаг  22м/с, Шинэжинст сумд 21м/с  хүрч шуурсан байна.

Бэлчээрийн усан хангамж дунд. Худгийн ус  болон булаг шанд,цасны   усаар ундаалж байна.   Хангайн уулархаг газраар бага зэргийн цасан бүрхүүлтэй, хээр талын болон говийн нутгаар цасгүй учир малын болон ундны усны хүрэлцээ муу, холоос малаа тууж булаг шандны усаар ундаалж байна.

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйд малчид  өвөлжөөндөө буусан. Мөн отор нүүдэл хийж байна.   
• Энэ арав хоногт цаг агаарын байдлаас болж малын бэлчээрлэлт, зам тээвэр саатаж, хүндрэл гараагүй.
• Энэ арав хоногт агаарын температур өмнөх 10 хоногтой харьцуулахад дунджийн орчим байлаа.
• ХАА-н үйлдвэрлэлд цаг агаар таатай нөлөө үзүүлэв.
• Энэ 10 хоногт говийн нутгаар салхи шуурга ихтэй, хүчтэй салхины аюултай үзэгдлийн мэдээ ирүүлсэн байна. Үүний улмаас Баянговь сумд  салхины хамгийн их хурд 28м/с хүрч айлуудын гэр нурсан мэдээ ирүүлсэн,
• Энэ сард цаг агаарын тааламжгүй нөхцлөөс шалтгаалж хорогдсон мал байхгүй.

Тойм бичсэн: ХАА-н цаг уурын хэсэг

2017-12-01