2017 ОНЫ 11 ДҮГЭЭР САРЫН 1-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар 6.5-11.0 градус хүйтэн, говийн нутгаар 2.4 градус хүйтэнээс 5.8 градус дулаан, харин хээр талын бүсийн нутгаар  4.0 градус хүйтэнээс 0.8 градусын дулаан  байлаа.

  Агаарын үнэмлэхүй бага температур нь:  -30 градусыг давж  хүйтэрсэн газар байхгүй.  Хамгийн хүйтэн нь Гурванбулаг суманд -27градус хүрч хүйтэрсэн.

   Хөрсний гадарга дээр дунджаар: Хангайн уулархаг нутгаар 7-11 градус хүйтэн, говийн нутгаар 2 градус хүйтэнээс 6 градус дулаан хээр талын бүсийн нутгаар 3 градус хүйтэнээс 8 градус  дулаан байв.

            Хөрсний үнэмлэхүй бага температур нь: Бүх сумдаар хөрсөндөө -40 градусыг давж хүйтрээгүй байна. 

             Тунадас: Энэ арав хоногт Хангай болон Хээр талын бүсийн ихэнх нутгаар хур тунадастай, говийн бүс болох Баянцагаан сумаас бусад бүх сумдаар хур тунадас ороогүй. Хур тунадасны хэмжээ 0.0-4.6мм, тунадастай өдрийн тоо 1-2 хоног орсон.  Хангайн бүс нутгаар 3-6см зузаан цасан бүрхүүлтэй байна.

Хамгийн их тунадас нь: Галуут сумд 4.6 мм тунадас орсон.

            Салхи: Энэ арав хоногт нийт нутгаар 10м/с–ээс дээш салхи шуургатай  байв.           Салхины хамгийн их хурд: Богд сумд 26м/с, Баянговь, Шинэжинст сумуудад 20-22м/с хүрч шуурсан байна.

Бэлчээрийн усан хангамж дунд. Худгийн ус  болон булаг шанд,цасны   усаар ундаалж байна.  Говийн бүсийн нутгаар цасгүй, бусад нутгаар бага зэргийн цастай байгаа хэдий ч мал болон ундны усны хүрэлцээ муу, холоос малаа тууж булаг шандны усаар ундаалж байна.

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйд малчид отор нүүдэл хийх, өвөлжөөндөө буух ажлууд хийгдэж байна.   
• Энэ арав хоногт цаг агаарын байдлаас болж малын бэлчээрлэлт, зам тээвэр саатаж, хүндрэл гараагүй.
• Энэ арав хоногт агаарын температур өмнөх 10 хоногтой харьцуулахад 3-6  градусаар хүйтэрсэн байна.
• ХАА-н үйлдвэрлэлд цаг агаар таатай нөлөө үзүүлэв.
• Энэ 10 хоногт цаг агаарын аюултай үзэгдлийн мэдээ ирээгүй байна.
• Энэ 10 хоногт ямар нэгэн төрлийн малын хорогдол гарсан тухай мэдээ ирээгүй.

Цаг уурын өртөө, харуулын шинжилгээний талбайд

2017 оны 11-р сарын 10-ны  байдлаар хэмжигдсэн

цасан бүрхүүлийн зузаан / см/