2017 ОНЫ 05 ДУГААР САРЫН 2-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар 9.7-12.6 градус дулаан, говийн нутгаар 11.6-22.2 градус дулаан, харин хээр талын бүсийн нутгаар 13.6-19.3 градус дулаан байлаа.

Агаарын үнэмлэхүй их температур нь: Баацагаан, Баянлиг, Жинст, Эхийн гол сумуудад +30 градусыг давж 1-5 хоног дулаарсан байна.

   Хөрсний гадарга дээр дунджаар: Хангайн уулархаг нутгаар 14-18 градус дулаан, говийн нутгаар 18-29 градус дулаан, харин хээр талын бүсийн нутгаар   20-25 градус дулаан байв.

            Хөрсний үнэмлэхүй их температур нь: Бүх сумууд хөрсөндөө +40 градусыг давж халсан байна.

             Тунадас : Энэ арав хоногт хангайн уулархаг нутгаар тунадас  3.2-7.8 мм, говийн нутгаар 0.0-12.1 мм, харин хээр талын бүсийн нутгаар 0.7-11.3 мм хур тунадас орсон байна.

Хамгийн их тунадас нь: Баянөндөр сумд 12.1 мм тунадас орсон.

            Хамгийн бага тунадас нь: Эхийнгол сумд 0.0 мм тунадас орсон байна.

            Салхи: Энэ арав хоногт нийт нутгаар салхи шуурга ихтэй байв.  Салхины хамгийн их хурд: Богд сумд 22м/с хүрч шуурсан байна. Бүх сумдад 10 м/с-ээс дээш салхи шуургатай байсан байна.

Бэлчээрийн усан хангамж сайн. Худгийн ус  болон гол, горхи харзны усаар ундаалж байна.  

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйд бод малын төл хүлээн авах, ямаа самнах зэрэг ажил явагдаж  байна.  
• Энэ арав хоногт цаг агаарын байдлаас болж малын бэлчээрлэлт болон зам тээвэр саатаагүй, ямар нэгэн хүндрэл гараагүй.
• Энэ арав хоногт агаарын температур өмнөх 10 хоногтой харьцуулахад 4-7 градусаар дулаарсан байна.
• ХАА-н үйлдвэрлэлд цаг агаар таатай нөлөө үзүүлэв.
• Энэ 10 хоногт цаг агаарын аюултай үзэгдлийн мэдээ ирээгүй байна.
• Энэ 10 хоногт малын хорогдол гараагүй.

Цаг уурын өртөө, харуулын шинжилгээний талбайд

2017 оны 05-р сарын 20–ны байдлаар хэмжигдсэн

ургамлын өндөр / см-ээр /

Тойм бичсэн: ХАА-н цаг уурын хэсэг.

 2017-05-21