2017 ОНЫ 03 ДУГААР САРЫН 3-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар 5.4-10.4градус хүйтэн, говийн нутгаар 5.3градус хүйтнээс 5.6градус дулаан, харин хээр талын бүсийн нутгаар3.6 -7.0градус хүйтэн байлаа.

    Агаарын үнэмлэхүй бага температур нь:  -30 градусыг давж  хүйтрээгүй.    

   Хөрсний гадарга дээр дунджаар: Хангайн уулархаг нутгаар 3-9градус хүйтэн, говийн нутгаар 7.0градус хүйтнээс 1.0градус дулаан, хээр талын бүсийн нутгаар 5.0градус хүйтнээс 1.0градус дулаан байв.

  Хөрсний үнэмлэхүй бага температур нь:  -40 градусыг давж хүйтэрсэн газар байхгүй. 

             Тунадас: Энэ арав хоногт Нийт нутгаар ихээхэн хэмжээний цас орж, хамгийн их тунадас Баянхонгор 35.9мм, Баацагаан 33.9мм, Шинэжинст 21.5мм,  Бууцагаан, Бөмбөгөр , Жинст, Богд, Баянлиг, Эрдэнэцогт сумуудад 11.8-14.3мм, бусад сумдаар 1.4-9.7мм    тунадас орсон.

            Салхи: Энэ арав хоногт нийт нутгаар салхи шуурга  ихтэй байв. Салхины хамгийн их хурд: Баянцагаан, Шинэжинст сумдад 23м/с хүрч, Хүрээмарал, Баацагаан, Баянбулаг,  Галуут Эрдэнэцогт 6-8м/с, бусад бүх  сумдад 10-16м/с хүрч шуурсан байна.

Бэлчээрийн усан хангамж сайн. Худгийн ус  болон булаг шанд,  цасны усаар ундаалж байна.  

 ХАА-н үйлдвэрлэлд хэрхэн нөлөөлсөн тухай тойм

• Цаг агаарын байдал мал аж ахуйд малчид хаваржаа бууцаа засах, сэлбэх  хаваржаандаа буух, отор нүүдэл хийх зэрэг ажил явагдаж байна.
• Зам даваа хаагдсан мэдээ ирээгүй.
• Мал аж ахуйн үйлдвэрлэлд бог мал төллөж  байна.
• Энэ арав хоногт агаарын температур өмнөх 10 хоногтой харьцуулахад 2-4  градусаар дулаарсан байна.
• Энэ 10 хоногт цаг агаарын аюултай үзэгдлийн мэдээ ирээгүй байна.
• Нийт нутгийн 30 орчим хувь нь цастай, цас их орж улмаар хайлж мөстөж байгаа учир хаваржилтийн байдал хүндэвтэр байна.

ЦАСНЫ МЭДЭЭ / СМ-ЭЭР/

2017 оны 04-р сарын 01-ны байдлаар

БАЯНХОНГОР АЙМАГ УЦУОШГАЗАР ХААЦУ-ЫН ХЭСЭГ

2017-04-01