БАЯНХОНГОР АЙМГИЙН 2021-2022 ОНЫ ӨВӨЛ ХАВРЫН БЭЛЧЭЭРИЙН ДААЦ БАГТААМЖИЙН МЭДЭЭ

2021-2022 ОНЫ ӨВӨЛ-ХАВРЫН БЭЛЧЭЭРИЙН ДААЦЫГ ТОДОРХОЙЛСОН ДҮН

Монгол улсын Засгийн газрын 286 дугаар тогтоолын дагуу Ус цаг уур, орчны судалгаа, мэдээллийн хүрээлэнд 2021-2022 оны өвөл, хаврын бэлчээрийн даацыг баг бүрийн бэлчээрийн ургац, малын тоо, бэлчээрийн талбайн хэмжээ, бэлчээр ашиглах хугацаа зэрэг мэдээлэл дээр үндэслэн багийн нутгаар тооцоолж гаргав.

Баянхонгор аймгийн  Зуншлагын байдлыг 10 хоног тутамд үнэлсэн зургаас үзвэл 6 дугаар сарын 20-ны байдлаар нийт нутгийн 70 орчим хувьд дунд, 7 дугаар сарын 20-нд 70 гаруй хувьд сайн, 8 дугаар сарын 10 гэхэд 85 орчим хувьд сайн гэж үнэлэгдсэн байна.

Улмаар 8 дугаар сарын 20-ны байдлаар нийт нутгийн 90 орчим хувьд сайн 10 орчим буюу Богд, Баянлиг сумдын нутгаар  дунд буюу зуншлага оройтсон, ургамал гандаж хатсан байдалтай байна.

Бэлчээрийн даацыг тооцоолж гаргасан дүнгээс үзвэл нийт нутгийн:

42.1 % - 50 хүртэлх хувь (бэлчээрийн нөөцтэй)

24.6 % - 51-100 хувь         (бэлчээр хүрэлцээтэй)

25.0 % - 101-300 хувь       (даац 1-3 дахин хэтэрсэн)

 3.6 % - 301-500 хувь       (даац 3-5 дахин хэтэрсэн)

 4.7 % - 500 хувиас их     (даац олон дахин хэтэрсэн) байна.

Өөрөөр хэлбэл аймгийн нийт нутгийн 75 орчим хувьд өвөл-хаврын бэлчээрийн даац хүрэлцээтэй байхаар, харин 25 гаруй хувьд хэтэрч гарлаа.

Сумдын дүнгээр авч үзвэл Байдраг Өлзийт өндөр 2-р баг, Нам толгой 1-р баг, Эрдэнэцогт сумын Ямаат 2-р баг, Баянлиг сумын Бага баян 3-р баг, Халбагант 1-р баг, Гашуун дэл 4-р баг, Бөмбөгөр, Заг, Галуут, Баянхонгор Баян-Овоо сумын ихэнх  багийн нутгаар даац хэтэрч гарсан.            

Энэ жил зуншлага оройтсон дээрх сумдын нутгаар  малын тоо ихтэй сумдын нутгаар даац хэтэрч гарсан байна. Харин нийт нутгийн 25%-д даац 1-3 дахин хэтэрч (шар) гарсан байна.

Өвөл-хаврын бэлчээрийн даац хэтэрч гарсан сумдын нутагт өвс хадлан бэлтгэх, нэмэгдэл тэжээл нөөцлөх, отор нүүдэл хийх, малын тоог бууруулах зэргээр арга хэмжээг эртнээс авч хэрэгжүүлэх шаардлагатай.

                                            ЦАГ УУР, ОРЧНЫ ШИНЖИЛГЭЭНИЙ ГАЗАР

УС ЦАГ УУР, ОРЧНЫ СУДАЛГАА МЭДЭЭЛЛИЙН ХҮРЭЭЛЭН 

БАЯНХОНГОР АЙМГИЙН УС ЦАГ УУР ОРЧНЫ ШИНЖИЛГЭЭНИЙ ТӨВ

2021-08-27