БАЯНХОНГОР АЙМГИЙН 2020-2021 ОНЫ ӨВӨЛ ХАВРЫН БЭЛЧЭЭРИЙН ДААЦ БАГТААМЖИЙН МЭДЭЭ

2020-2021 ОНЫ ӨВӨЛ-ХАВРЫН БЭЛЧЭЭРИЙН ДААЦЫГ ТОДОРХОЙЛСОН ДҮН

Монгол улсын Засгийн газрын 286 дугаар тогтоолын дагуу Ус цаг уур, орчны судалгаа, мэдээллийн хүрээлэнд 2020-2021 оны өвөл, хаврын бэлчээрийн даацыг баг бүрийн бэлчээрийн ургац, малын тоо, бэлчээрийн талбайн хэмжээ, бэлчээр ашиглах хугацаа зэрэг мэдээлэл дээр үндэслэн багийн нутгаар тооцоолж гаргав.

Зуншлагын байдал 2020 оны 8 дугаар сарын 20-ны байдлаар нийт нутгийн 55 орчим хувьд дунд зэрэг, 45 гаруй хувьд муу гэсэн үнэлгээтэй байна.

Бэлчээрийн даацыг тооцоолж гаргасан дүнгээс үзвэл нийт нутгийн:

    50 хүртэлх хувь  (бэлчээрийн нөөцтэй)

    51-100 хувь          (бэлчээр хүрэлцээтэй)

    101-300 хувь        (даац 1-3 дахин хэтэрсэн)

    301-500 хувь        (даац 3-5 дахин хэтэрсэн)

     500 хувиас их      (даац олон дахин хэтэрсэн) байна.

      Өөрөөр хэлбэл: Манай аймгийн 2020-2021 оны бэлчээрийн даацын хувьд  нийт нутгийн 90 гаруй хувьд нь өвөл-хаврын бэлчээрийн даац 3-5 дахин  хэтэрч гарлаа.

Энэ зун нутгийн өмнөд хагаст бороо хур багатай, зуншлага муу байсан ба 7 дугаар сарын сүүлчээс зарим газраар байдал дээрдэж байна. Аймгийн хувьд нутгийн хойд хэсгээр  Зуншлага дунд зэрэг байсан хэдий ч бэлчээрийн даац хэтэрч гарсан нь малын тоо их байгаатай холбоотой. Даац олон дахин хэтэрсэн дээрх сумдын малчид отор нүүдэл их хийж байна.

Бэлчээрийн даац олон дахин хэтэрч (улаан) гарсан сумдад  Баянхонгорын Хүрээмарал, Бууцагаан, Заг, Бөмбөгөр, Галуут, Эрдэнэцогт, Баян-Овоо, Баянцагаан, Баацагаан, Жинст, Богд, Баян-Өндөр, Шинэжинст, Баянговь, Баянлиг, сумд орж байна.

Мөн  Баянхонгорын Байдраг, Гурванбулаг, Галуут сумын Хайрхан 1-р баг, Мандал 5-р баг мөн Эрдэнэцогт сумын Жанжин 4-р баг, Сэнжит 1-р багуудад  даац 3-5 дахин (улбар шар) хэтэрч гарсан байна.

Өвөл-хаврын бэлчээрийн даац ихээхэн хэтэрч гарсан  сумдын нутагт өвс хадлан бэлтгэх, нэмэгдэл тэжээл нөөцлөх, отор нүүдэл хийх, малын тоог бууруулах зэргээр эртнээс анхаарч, мал өвөлжилт хаваржилтанд одооноос эхлэн бэлтгэх нь зүйтэй.

  ЦАГ УУР, ОРЧНЫ ШИНЖИЛГЭЭНИЙ ГАЗАР

УС ЦАГ УУР, ОРЧНЫ СУДАЛГАА МЭДЭЭЛЛИЙН ХҮРЭЭЛЭН 

БАЯНХОНГОР АЙМГИЙН УС ЦАГ УУР ОРЧНЫ ШИНЖИЛГЭЭНИЙ ТӨВ

2020-08-28