2021 ОНЫ 12 ДУГААР САРЫН 1-Р 10 ХОНОГИЙН ЦАГ АГААРЫН НӨХЦӨЛИЙН ТОЙМ

ЦАСНЫ МЭДЭЭ / см-ээр /

2021 оны 12-р сарын 10-ны байдлаар

Өнгөрсөн 10 хоногийн цаг агаарын байдал

        Агаарын температур: Өнгөрсөн 10 хоногт агаарын дундаж температур хангайн уулархаг нутгаар 13.8-22.9 градус хүйтэн, говийн нутгаар 5.6-9.9 градус хүйтэн,  хээр талын бүсийн нутгаар 10.4-12.4 градус  хүйтэн  байлаа.                                                                                                                                

Агаарын үнэмлэхүй бага температур нь: Байдраг, Гурванбулагт тус тус 2 өдөр    -30 градусыг давж  хүйтэрсэн байна.   

Хөрсний гадарга дээр дунджаар: Хангайн уулархаг нутгаар 16-24 градус хүйтэн, говийн нутгаар  5-14 градус хүйтэн, хээр талын бүсийн нутгаар 10-14 градус  хүйтэн байв.                                                                                                         

   Хөрсний үнэмлэхүй бага температур нь: Бүх сумдаар хөрсөндөө -40 градусыг давж хүйтэрээгүй байна.                                                                                                                    

Тунадас: Энэ 10 хоногт Шаргалжуут, Баянговь, Эрдэнэцогтод 0,3 мм,  Баянлиг, Шинэжинстэд 0,5 мм хур тунадас орсон байна. Харин бусад нутгаар  хур  тунадас ороогүй байна.

Салхи: Энэ арав хоногт ихэнх нутгаар салхи шуурга ихтэй байв. Салхины хамгийн их хурд: Богд сумд 22м/с хүрч, бусад  сумуудад 6-20 м/с хүрч шуурсан байна.

Салхины хамгийн их хурд : Жинстэд 20м/с, Богд 22 м/с хүрч  шуурсан  байна.

 Бэлчээрийн усан хангамж дунд  худаг болон, цасаар ундаалж байна.

                        ХАА-н үйлдвэрлэлд хэрхэн нөлөөлсөн тухай тойм

• Мал аж ахуйд  малд нэмэгдлээр өвс тэжээл өгөх, бууц хөрзөнг цэвэрлэх ажлууд хийгдэж байна.
• Энэ арав хоногт цаг агаарын байдлаас болж малын бэлчээрлэлтэнд гарсан хүндрэл байхгүй.
• Энэ арав хоногт агаарын температур өмнөх 10 хоногтой харьцуулахад 5-7  градусаар хүйтэрсэн байна.
• ХАА-н үйлдвэрлэлд цаг агаар таатай нөлөө үзүүлэв.
• Энэ 10 хоногт цаг агаарын аюултай үзэгдлийн мэдээ ирээгүй байна.
• Одоогоор аймгийн нийт нутгийн 40% цасан бүрхүүлтэй харин цасны өндөр 0-6 см, өвөлжилт хэвийн байна.

Баянхонгор аймгийн нийт нутгийн  40% гаруйдаа  цасан бүрхүүлтэй байна.

         УЦУОШТӨВ ХААЦУ-ЫН ХЭСЭГ       2021-12-11