2018 ОНЫ 03 ДУГААР САРЫН 1-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

Өнгөрсөн 10 хоногийн цаг агаарын байдал

Агаарын температур: Өнгөрсөн 10 хоногт агаарын дундаж температур Хангайн уулархаг нутгаар 7.9-12.9градус хүйтэн, говийн нутгаар 6.6градус хүйтнээс 3.2градус дулаан, харин хээр талын бүсийн нутгаар 2.5-6.5градусын хүйтэн байлаа.

Агаарын үнэмлэхүй бага температур нь: -30градусыг давж хүйтэрсэн газар байхгүй. Хамгийн хүйтэн нь Байдраг, Баянбулаг, Гурванбулаг сумуудад 26-29градус хүрч хүйтэрсэн.

Хөрсний гадарга дээр дунджаар: Хангайн уулархаг нутгаар 7-12градус хүйтэн, говийн нутгаар 6градус хүйтнээс 6градус дулаан, хээр талын бүсийн нутгаар 0-4градус хүйтэн байв.

            Хөрсний үнэмлэхүй бага температур нь: Хөрсөндөө -40 градусыгдавж  хүйтрээгүй байна. 

            Тунадас: Энэ 10 хоногт хангай болон говийн нутгийн зарим газраар бага зэргийн тунадас орсон. Хээр талын бүс нутгаар тунадас ороогүй. Хамгийн их тунадас Баянбулаг сумд 2.1мм орсон. Нийт  нутгаар цасгүй.

            Салхи: Энэ арав хоногт бүх нутгаар 10м/с ээс дээш салхи шуургатай байсан.

Салхины хамгийн их хурд: Баянхонгор 28м/с, Баянцагаан, Баянговь, Баянлиг, Богд, Галуут,  Шинэжинст сумуудад 14-20 м/с хүрч шороон шуурга шуурсан.

Хангайн сумдаар бэлчээрийн усан хангамж сайн. Говийн болон хээр талын бүсийн нутгаар Худгийн ус  болон булаг шандны усаар ундаалж байна. Усан хангамж дунд зэрэг байна.

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйн үйлдвэрлэлд бог мал төллөж байна.
• Энэ арав хоногт цаг агаарын байдлаас болж малын бэлчээрлэлт, зам тээвэр саатаж, хүндрэл гараагүй.
• Энэ арав хоногт агаарын температур өмнөх 10 хоногтой харьцуулахад 3-5 градусаар дулаарсан байна.
• ХАА-н үйлдвэрлэлд цаг агаар таатай нөлөө үзүүлэв.
• Энэ 10 хоногт цаг агаарын аюултай үзэгдлийн мэдээ ирээгүй байна.
• Энэ 10 хоногт нийт сумдаас малын хорогдолын мэдээ ирээгүй.     

2018-03-11