2017 ОНЫ 07 ДУГААР САРЫН 2-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

БАЯНХОНГОР АЙМГИЙН ЗУНШЛАГЫН МЭДЭЭ /%-ИАР /

2017 оны 07-р сарын 20-ны байдлаар

Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар 16.5-20.6 градус дулаан, говийн нутгаар 20.6-31.0 градус дулаан, харин хээр талын бүсийн нутгаар 20.5-26.5 градус дулаан байлаа.

Агаарын үнэмлэхүй их температур нь: Баянбулаг, Баянөндөр, Гурванбулаг сумуудаас бусад бүх сумдад +30 градусыг давж халсан байна.

   Хөрсний гадарга дээр дунджаар: Хангайн уулархаг нутгаар 22-28 градус дулаан, говийн нутгаар 27-37 градус дулаан, харин хээр талын бүсийн нутгаар   28-32 градус дулаан байв.

            Хөрсний үнэмлэхүй их температур нь: Бүх сумдууд хөрсөндөө +40 градусыг давж халсан байна.

             Тунадас : Энэ арав хоногт хангайн уулархаг нутгаар тунадас  7.4-22.5 мм, говийн нутгаар 0.0-6.7 мм, харин хээр талын бүсийн нутгаар 0.9-11.8 мм хур тунадас орсон байна.

Хамгийн их тунадас нь: Байдраг сумд 22.5 мм тунадас орсон.

            Хамгийн бага тунадас нь: Эхийнгол сумд 0.0 мм тунадас орсон байна.

            Салхи: Энэ арав хоногт нийт нутгаар салхи шуурга ихтэй байв.             Салхины хамгийн их хурд: Баянхонгор, Байдраг, Баянцагаан, Баянговь, Богд, Шинэжинст сумдад 18м/с хүрч шуурсан байна. Бусад сумдаар 8-12 м/с хүрч шуурсан.

Бэлчээрийн усан хангамж дунд. Худгийн ус  болон гол, горхи харзны усаар ундаалж байгаа боловч голын ус багасан, булаг шанд ширгэж байгаа мэдээтэй байна.

ХАА-н үйлдвэрлэлд хэрхэн нөлөөлсөн тухай тойм

• Мал аж ахуйд бод болон бог малын сааль сүү боловсруулах, хонь хяргах, малчид отор нүүдэл хийх зэрэг ажил явагдаж  байна.  
• Энэ арав хоногт цаг агаарын байдлаас болж малын бэлчээрлэлт болон зам тээвэр саатаагүй, хүндрэл гараагүй.
• Энэ арав хоногт агаарын температур өмнөх 10 хоногтой харьцуулахад 2-5 градусаар халсан байна.
• ХАА-н үйлдвэрлэлд цаг агаар таатай нөлөө үзүүлэв.
• Энэ 10 хоногт цаг агаарын аюултай үзэгдлийн мэдээ ирээгүй байна

ХААЦУ-ЫН ХЭСЭГ

2017-07-21